Perezida Kagame yahuye na Olusegun Obasanjo ni Ikimenyetso gikomeye cy’ubufatanye n’umutekano w’Afurika. Paul Kagame, Olusegun Obasanjo, Urugwiro Village, ibiganiro by’ubuyobozi, intambara y’ibihuha, umutekano w’u Rwanda, politiki y’akarere

IFOTO Y'URWIBUTSO (Paul KAGAME na  Olusegun Obasanjo

Ni mu gihe ibihuha byacicikanaga ku mbuga nkoranyambaga bivuga ko Umukuru w’u Rwanda yapfuye, Perezida Paul Kagame yahuye n’uwahoze ari Perezida wa Nigeria, Olusegun Obasanjo, mu biganiro byimbitse byagarutse ku bibazo bikomeye by’akarere, Afurika n’Isi muri rusange.

Nk’uko Perezida Kagame yabitangaje abinyujije ku rukuta rwe rwa Facebook ku wa 22 Kamena 2025, yakiriye Obasanjo mu biganiro byagarutse ku mutekano w’akarere n’ibibazo bikomeye ku rwego rw’Isi, Kuri uyu wa gatandatu ku gicamunsi, Perezida Paul Kagame yakiriye ku biro bye i Urugwiro uwahoze ayobora Nigeria, Olusegun Obasanjo. Ibi biganiro, byatangajwe ku mugaragaro binyuze kuri konti ya Perezida Kagame ya Facebook, byari bifite intego yo kuganira ku bibazo binyuranye by’ingutu, harimo umutekano, ubufatanye, n’ahazaza h’Afurika.

Ibi biganiro bibaye mu gihe hari ibihuha bimaze iminsi bikwirakwizwa n’abatavuga rumwe n’ubutegetsi, byemeza ko Perezida Kagame yapfuye. Iyi nama n’itangazo riyikurikiye bibaye igisubizo gikomeye, gisubiza agaciro ukuri n’umutekano w’igihugu.

Nk’uko Perezida Kagame yabitangaje, ibiganiro bye na Perezida Obasanjo byagarutse ku bibazo by’akarere ndetse n’ibifite isura mpuzamahanga. Byari ibiganiro byimbitse ku mahoro, imikoranire y’ibihugu, n’uko Afurika yatera imbere mu bwisanzure n’ubufatanye burambye. "This afternoon at Urugwiro Village, President Kagame received Former Nigerian President Olusegun Obasanjo for a wide-ranging discussion. They discussed the situation in the region, along with various key issues of continental and global significance. The two leaders shared insights on pathways toward stability, cooperation, and progress," — Perezida Kagame.

Ibi biganiro byaranzwe no kungurana ibitekerezo ku byashoboka byateza imbere ubufatanye hagati y’ibihugu byombi n’umugabane wa Afurika, ariko by’umwihariko ku bibazo bireba akarere u Rwanda ruherereyemo.

Mu minsi ishize, abataramenyekana neza bifashishije imbuga nkoranyambaga batangiye gukwirakwiza ibihuha bivuga ko Perezida Kagame yapfuye. Uretse kuba ari ibihuha bidafite ishingiro, ibyo bitekerezo byakomeje kwinjizwa no gutizwa umurindi n’abatavuga rumwe n’ubutegetsi kimwe n'Abaturage bigihugu cy'Uburundi.

Iyi nama n’ifoto yashyizwe hanze n’Umukuru w’Igihugu, bihaye abaturage ndetse n’amahanga ubutumwa bukomeye bwo kwizeza ko ubuyobozi buhari, bukora, kandi bufite icyerekezo. Olusegun Obasanjo, umwe mu bayobozi b’Afurika bazwiho kugira uruhare runini mu biganiro bigamije amahoro, yagaragaye mu Rwanda nk’inshuti n’umufatanyabikorwa. Aherutse kugaragara no mu biganiro byo gushakira amahoro Ethiopia no mu bindi bikorwa by’amahoro ku rwego rw’akarere.

Kubonana kwe na Perezida Kagame si gusa uburyo bwo kugaragaza umubano wabo, ahubwo ni ikimenyetso cy’ubwiyunge, gukorera hamwe no kwigira kw’Afurika binyuze mu busabane bw’abayobozi bafite amateka n’uburambe.

Abasesenguzi ba politiki bemeza ko ibi biganiro bitari iby’ubusabane gusa, ahubwo bifite igisobanuro kirenze. Kuba Perezida Kagame ubwe yatangaje inkuru kuri Facebook ye, bifite ubutumwa bukomeye: Guhakana ibihuha ku buzima bwe, Kwerekana ko igihugu kiyobowe neza, Gutanga icyizere ku banyarwanda n’abafatanyabikorwa

Ubundi butumwa bugaragarira muri iyi nama ni ugukomeza kwerekana ko u Rwanda ari igicumbi cy’ibiganiro n’umutekano mu karere.

Iyi nama ifatwa nk’indi ntambwe mu gushyigikira politiki y’u Rwanda ishingiye ku kwigira, ubufatanye n’umutekano. Ibi byose ni bimwe mu byagaragajwe nk’intego za Perezida Kagame mu rugendo rwe rwo guteza imbere u Rwanda, ndetse n’Afurika muri rusange.

Mu gihe Isi iri mu bihe bigoye by’ihindagurika ry’imitwe ya politiki n’umutekano, inama nk’izi ziba igicumbi cy’icyizere. Perezida Kagame na Perezida Obasanjo bagaragarije Abanyarwanda n’Abanyafurika ko ibiganiro n’ubufatanye aribyo musingi w’amahoro n’iterambere. Iyi nama yabereye i Urugwiro ni igisubizo gifatika cy’amakuru y’ibinyoma, ndetse n’itumanaho rinyuze mu buryo buhamye, bwuzuyemo icyerekezo n’ukuri.

Paul Kagame, Olusegun Obasanjo, Urugwiro Village, ibiganiro by’ubuyobozi, intambara y’ibihuha, umutekano w’u Rwanda, politiki y’akarere, Afurika yunze ubumwe

   Inkomoko: Source: Aya makuru yatangajwe na Nyakubahwa Perezida Paul Kagame binyuze ku rukuta rwe rwa Facebook ku wa 22 Kamena 2025. Kanda hano urebe iyo post