ABARIMU BAZIGA KAMENUZA Y’U RWANDA 2025-2026 BATANGAJWE, IBYAGENDEWEHO BABATORANYA. #REB2025 #TeacherScholarshipsRwanda #AbarimuMuKaminuza

Mu rwego rwo guteza imbere ireme ry’uburezi, Ikigo cy’Igihugu gishinzwe Uburezi bw’Ibanze (REB) cyatangaje urutonde rw’abarimu 300 batsindiye buruse yo gukomeza amasomo ya Kaminuza mu mwaka w’amashuri wa 2025–2026, hifashishijwe uburyo bw’ikoranabuhanga bwa TMIS
Ikigo cy’Igihugu gishinzwe Uburezi bw’Ibanze (REB) cyashyize ahagaragara urutonde rw’abarimu 300 batsindiye buruse yo gukomeza Kaminuza mu mwaka wa 2025-2026. Hatangajwe ibisabwa kugira ngo umuntu yemererwe, n’ibigenderwaho mu itoranywa.

Mu rwego rwo guteza imbere ireme ry’uburezi, REB yatangaje icyiciro cy’abarimu batoranyijwe nyuma yo gusaba buruse yo gukomeza amasomo ya Kaminuza mu mwaka wa 2025–2026. Iri toranywa ryakorewe ku rwego rw’igihugu, rikaba ryaratangajwe ku rubuga rwa TMIS (Teacher Management Information System).

Mu banyeshuri bose basabye, abarimu 300 ni bo batoranyijwe. Bashyizwe mu byiciro bikurikira:

- Early Childhood Education: abarimu 99 (33%)

- Special Needs and Inclusive Education: abarimu 27 (9%)

- Sciences with Education: abarimu 92 (31%)    harimo 24 bafite A2 na 68 bafite A1

- Arts and Languages: abarimu 82 (27%) – harimo 73 bafite A2 na 9 bafite A1

Byongeye, abarimu bafite impamyabumenyi ya A1 bashyizwe gusa mu mashami ya Sciences n’aya Arts and Languages.

REB yatangaje ko kugira ngo umuntu abe ku rutonde rw’abatoranyijwe, byasabaga ko:

Yashyikirije ibyangombwa byose byasabwaga (impamyabumenyi, icyemezo cy’akazi, ID, n’ibindi)

Yatsinze amasomo ajyanye n’ishami yasabye (Amanota A, B, C, D)

Yatsinze ikizamini cyatoranyirijwe abari ku rutonde rw’agateganyo

Yabonye amanota ari hejuru ya 50%

Itoranywa ryakorewe ku rwego rw’igihugu, aho abarimu babaruwe hakurikijwe amanota. Abarimu bafite amanota menshi bahawe amahirwe ku isonga. Mu gihe habonekaga abarimu bafite amanota angana, hashyizwe imbere ibi bikurikira:

- Umubare muto w'Igitsina n'ukuvuga Gore/Gabo
- Uburambe mu kazi (abarimu bamaze imyaka myinshi bigisha)

- Imyaka y’uwusaba hano abari bafite imyaka mito nibo bahawe amahirrwe cyane

- Igihe cyo gutanga ubusabe – uwatanze mbere yahabwaga amahirwe

Hari abarimu batabashije gutsinda kubera kutuzuza ibisabwa cyangwa gutsindwa mu bizamini. REB yagiriye inama abifuza kuzagerageza buruse mu gihe kiri imbere ko bagomba:

- Kunoza ibisabwa hakiri kare

- Gushyikiriza ibyangombwa byuzuye

- Kwitegura ibizamini neza

- Kumenya ishami ushaka kwigamo no kuryiga bihagije mbere yo gusaba

Buruse zahawe aba barimu zigamije:

- Guteza imbere ireme ry’uburezi

- Kongera ubumenyi n’ubushobozi bw’abarimu

- Kunoza imyigishirize y’abana b’u Rwanda

- Guhaza icyuho cy’abarimu bafite ubumenyi bwisumbuye

TMIS niyo yakoreshejwe mu gukurikirana no gutoranya abujuje ibisabwa, ishingiye ku makuru y'abakozi, aho bakorera, ibyo bize n’ibindi byose bigaragaza ubushobozi bwabo.

Iri toranywa ni intambwe ikomeye mu kunoza ireme ry’uburezi mu Rwanda. Abatoranyijwe bahawe amahirwe yo kongera ubumenyi, mu gihe abandi bahawe umwanya wo kwitegura neza irushanwa ryo mu gihe kizaza. Inyungu z’iri toranywa zizagaragara mu mashuri, aho abanyeshuri bazigishwa n’abarimu bafite ubumenyi bujyanye n’igihe.

REB Rwanda 2025, TMIS Rwanda, Abarimu batoranyijwe buruse, Teacher scholarships Rwanda, Early Childhood Education, Special Needs Education Rwanda, Sciences with Education, Arts and Languages, Buruse Kaminuza Abarimu Rwanda


IMIHIGO NEWS