Kicukiro: MUHAWENIMANA CARITAS AKURIKIRANKWEHO INGENGABITEKEREZO YA JENOCIDE

Kuri uyu wa Mbere itariki 7 Mata 2025, nibwo Muhawenimana Caritas w’imyaka 23, wari umukozi wo mu rugo akorera mu Karere ka Kicukiro, yatawe muri yombi nyuma yo gushyira ubutumwa bw’amagambo akomeretsa abarokotse Jenoside kuri status ye ya WhatsApp. Ubutumwa bwakomeje guhurirwaho n’abaturage benshi mu buryo bwo kwamagana ingengabitekerezo ya Jenoside, ndetse abashinzwe gukurikirana ibyaha babibona bihutira kumufata kugira ngo akorerwe iperereza.

MUHAWENIMANA Cartas, Akurikiranyweho gushyira kuri “Status” kuri whatsapp ye AMAGAMBO YUZUYEMO INGENGABITEKEREZO YA JENOSIDE

Ku mugoroba w’itariki ya 7 Mata 2025, Muhawenimana Caritas, umukozi wo mu rugo, yashyize ubutumwa bwo gupfobya Jenoside yakorewe Abatutsi kuri status ye ya WhatsApp aha ni mu Murenge wa Nyarugunga, mu Kagari ka Nonko, Umudugudu wa Kavumu mu Karere ka Kicukiro. Ubutumwa yanditse bwavugaga amagambo akomeretsa abarokotse Jenoside ya korewe Abatutsi, ndetse bugahamagarira gusebya abantu batari abahutu, avuga ko abahutu bagomba kwica abatutsi. Ubu butumwa bwateje impaka nyinshi, ndetse bukurura umujinya w’abantu benshi bashingiye ku magambo yanditse agaragaza ingengabitekerezo ya Jenoside. Umukoresha w’uyu mukobwa, witwa Rose Kabatayi, yabwiye Taarifa Rwanda ko ubwo butumwa bwabonwe n’abashinzwe kugenzura ibyaha mu Rwanda RIB (Rwanda Investigation Bureau), hanyuma bigahita byihutirwa gukurikiranwa. Yagize ati: “Natwe twabonye ubwo butumwa, tubugezeho, polisi ikora iperereza byihuse. Tumaze igihe dukorana nawe.” Iperereza ryahise ritangizwa, ndetse Muhawenimana yahise atabwa muri yombi. Yajyanywe gufungirwa ku Cyicaro cya Polisi mu Mujyi wa Kigali aho akorerwa iperereza ryimbitse. Amakuru avuga ko Muhawenimana akomoka mu Karere ka Nyanza, mu Murenge wa Busasamana, mu Kagari ka Nyamure, Umudugudu wa Gatare. Yari imfura mu muryango w’abana batanu. Uyu mukobwa yari yaracikirije amashuri ageze mu mwaka wa kane w’amashuri abanza ku ishuri ribanza rya Nyamure mu Karere ka Nyanza, nyuma yaho ahitamo kujya gukora akazi ko mu rugo I KIgali. Iki gikorwa cyo kwandika no gushyira hanze ubutumwa bw’amagambo arimo ingengabitekerezo ya Jenoside kibaye igikorwa gishobora kugaragaza ikibazo gikomeye cy’abaturage bafite ibitekerezo byubaka icyuho hagati y’amoko no kuzirikana amateka mabi. Kandi kigaragaza ko hagikenewe kubungabunga ukwiyunga n’ubwiyunge bw’abanyarwanda by’umwihariko mu gihe cyo kwibuka Jenoside yakorewe Abatutsi. Gufatwa kwa Muhawenimana Caritas ni isomo rikomeye ributsa abanyarwanda bose ko ibikorwa byo gusakaza ingengabitekerezo ya Jenoside bitazihanganirwa. Mu gihe abakurikirana iperereza ku magambo yatangajwe bakomeje gukora iperereza, ni ngombwa ko twese dufata iya mbere mu kubungabunga, ukwiyunga, tugakomeza kwibuka amateka, ndetse tugaharanira ko ibyaha nk’ibi bidakomeza mu muryango nyarwanda. #MuhawenimanaCaritas #IngengabitekerezoYaJenoside #JenosideYakoreweAbatutsi #Kicukiro #KwibukaJenoside #Rwanda #InyandikoYaJenoside #WhatsAppStatus #Iperereza

MUHAWENIMANA Cartas, Akurikiranyweho gushyira kuri “Status” kuri whatsapp ye AMAGAMBO YUZUYEMO INGENGABITEKEREZO YA JENOSIDE